1 གངས་སྐོར་ནི་བོད་མི་རིགས་ཀྱི་ལྷག་བསམ་མཚོན་བྱེད་ཀྱི་རྣམ་པ་གལ་ཆེན་ཞིག་ཡིན་ལ། ཁོ་ཚོས་རྐང་ཐང་དུ་གནས་རི་དང་གངས་རི་མང་པོར་བསྐོར་བ་བྱས་ན་ཚེ་འདི་ཕྱི་གཉིས་ཀྱི་སྡིག་སྒྲིབ་དག་པར་ཡིད་ཆེས་བརྟན་པོ་ཡོད་དོ། དད་སེམས་ཅན་གྱི་བོད་མི་དག་རང་ཉིད་འཚོ་ཞིང་གཞེས་པའི་རང་བྱུང་གི་ཁོ་ར་ཁོར་ཡུག་འདིར་སྙིང་ནས་དགའ་གུས་ཚད་མེད་ལྡན། རྟ་ཡི་ལོ་ལ་ཐོན་པ་ན་ཁོ་ཚོ་འཇིག་རྟེན་གྱི་ཟང་ཟིང་དང་རེ་ཞིག་བྲལ་ཏེ། རི་ལུང་ཐང་གསུམ་མང་པོ་བརྒལ་ནས་གནས་རི་བསྐོར་བའི་དཀའ་སྡུག་གི་འགྲུལ་བཞུད་ཞིག་ལ་དབུ་ཁྱུད་འབྲི་ངེས། འོན་ཀྱང་གནས་མཇལ་ལམ་གྱི་དཀའ་སྡུག་གིས་ཁོ་ཚོར་དཔའ་ཞུམ་དུ་འཇུག་ག་ལ་ཐུབ། རྒྱུ་མཚན་ནི། དཀའ་སྡུག་དེ་དག་ནམ་ཡིན་ཡང་ཁོ་ཚོ་གནས་མཇལ་དུ་འགྲོ་བའི་སྒུལ་ཤུགས་དང་སྐུལ་ལྕག་ལྟ་བུ་ཞིག་ཏུ་གྱུར་ཡོད།

2 ནངས་སྔ་མོར་ལམ་ལ་ཆས་ཤིང་། རྐང་བའི་རྡོག་སྒྲ་དང་མཉམ་དུ་སྒྲོལ་མ་དང་མོའི་འགྲོ་རོགས་རྣམས་ཀྱི་དགའ་སྤྲོའི་དགོད་སྒྲ་ལྷང་ལྷང་ངང་མདུན་དུ་བསྐྱོད། ཁོ་ཚོ་ཚང་མ་བོད་ལྔོངས་ཆབ་མདོ་ནས་འོང་བ་དང་། གནས་མཆོག་ཁ་བ་དཀར་པོར་གནས་མཇལ་དུ་ཡོང་བ་རེད། གནས་མཆོག་ཁ་བ་དཀར་པོའི་གནས་མཇལ་ལ་ཕྱི་སྐོར་དང་ནང་སྐོར་གཉིས་སུ་དབྱེ་ཡོད་ལ། སྒྲོལ་མ་དང་མོའི་འགྲོ་རོགས་རྣམས་ད་ཐེངས་གནས་མཇལ་དུ་འགྲོ་བའི་ལམ་ཐིག་ནི་ནང་བསྐོར་ཡིན་པ་དང་། རྐང་ཐང་དུ་སོང་ན་ཉིན་གསུམ་བཞི་ཙམ་གྱི་དུས་ཚོད་དགོས།

3 འདི་ནི་སྒྲོལ་མ་དང་མོའི་སྐྱེས་པ་བཀྲ་ཤིས་དབང་ལྡན་གཉིས་གཉེན་སྒྲིག་རྗེས་སུ་ཐོག་དང་པོར་ནང་བསྐོར་ལ་ཡོང་བ་ཡིན་ལ། མི་འདྲ་ས་ཞིག་ཡོད་པ་ནི། ད་ཐེངས་མོས་ རང་ཉིད་ཀྱིས་བཙས་ནས་ཅུང་མ་འགོར་བའི་བྱིས་པ་ཁྲིད་ནས་ཡོང་ཡོད། ཁྱིམ་མི་ཡོངས་ཀྱིས་སློབ་དཔོན་པདྨ་འབྱུང་གནས་ཀྱི་སྒྲུབ་ཕུག་ལ་མཇལ་རྒྱུའི་གྲ་སྒྲིག་ལེགས་པོ་བྱས་ ཡོད་པ་དང་། སྒྲོལ་མས་བལྟས་ན། འདི་ནི་མོ་དང་མོའི་བྱིས་པ་གཉིས་ཀྱི་མི་ཚེའི་དབུ་ཁྱུད་ཡག་ཤོས་ཤིག་ཏུ་སེམས་ཡོད།

4 སྒྲོལ་མ་དང་མོའི་སྐྱེས་པ་གཉིས་དགའ་སྤྲོ་ཚད་མེད་སྐྱེས་ནས་ཁ་ནས་མ་ཎི་བར་མེད་དུ་བཟློ་བཞིན་ཁྱིམ་གཞི་སྐྱིད་ཅིང་བྱིས་པ་བདེ་ཐང་ངང་འཚར་ལོངས་འབྱུང་བ་དང་། མི་རྣམས་སྐྱིད་ཅིང་ལོ་ཕྱུགས་རྟག་པའི་སྨོན་ལམ་རྒྱག་གིན་འདུག

5 གནའ་ནས་ད་བར་དུ་གནས་སྐོར་མང་པོས་གནས་འདིའི་བོད་རིགས་མང་ཚོགས་ཀྱི་འཚོ་བ་ལ་ཤུགས་རྐྱེན་མང་པོ་ཐེབས་ནའང་། བབ་ཆགས་ཤིང་དྲོད་ཀྱིས་ཕྱུག་པའི་ལྷག་བསམ་དེ་དཀྲོགས་མ་ཐུབ་པར་ད་དུང་མཐོང་ཐོས་ཀྱི་ཡུལ་དུ་འདུག

6 གཡང་སྐྱིད་སྡེ་བ་ནི་ཕྱི་སྐོར་གྱི་མགོ་འཛུགས་ས་དེ་ཡིན། འདི་རུ་གནས་མཇལ་བ་དག་གིས་བསང་ཕུད་པ་དང་གདུག་སྤོས་བསྒྲོན་ནས་གསོལ་འདེབས་བྱེད་བཞིན་ཡོད།

7 གཡང་སྐྱིད་སྡེ་བའི་ལྷ་ཁང་ཆུང་བའི་ནང་དུ། དགོན་པའི་གྲྭ་བས་མཆོདམེ་བསྒྲོན་ཏེ་སྔ་མོ་ནས་གནས་མཇལ་ལ་ཡོང་མཁན་རྣམས་ལ་གསོལ་འདེབས་བྱེད་བཞིན་འདུག གནས་མཇལ་བ་དག་ཀྱང་འདི་རུ་ཡོང་སྟེ་ཕྱག་འཚལ་ནས་ལྷ་བསང་བཏང་ན་ཕྱི་སྐོར་གྱི་ལམ་བར་དུ་གེགས་བར་ཆད་མེད་པར་ཡིད་ཆེས་བརྟན་པོ་ཡོད་དོ།

8 ད་ལྟའི་ཕྱི་སྐོར་ནི་ཉིན་ཞག་བཞི་ནས་བདུན་གྱི་བར་ཡིན་པ་དང་། ལམ་ཁག་འགའ་རེར་རླངས་འཁོར་དང་འཕྲུལ་རྟ་ལ་བསྡད་དེ་སོང་ན་ཆོག་པ་ཡིན་ལ། ཡང་ལམ་ཁག་མང་པོ་ལ་ངེས་པར་དུ་རྐང་ཐང་ལ་འགྲོ་དགོས་པ་ཡིན། སྤྱི་ལེ220ཡི་ལམ་ཐག་གིས་ཞིང་ཆེན་གཉིས་དང་རྫོང་གསུམ་གྱི་ཡུལ་ཁམས་བརྒལ་དགོས་པ་དང་ཆ་སྙོམས་ཀྱིས་སྨི1000གི་ཡས་མས་སུ་ཡོད་པ་དང་། ཆེས་མཐོ་སར་མཚོ་ངོས་ལས་མཐོ་ཚད་ནི་སྨི4815ཡིན།

9 བཀའ་བརྒྱུད་པའི་བླ་མ་སྐུ་ཕྲེང་གཉིས་པས་འདི་རུ་གངས་བསྐོར་ལ་འགྲོ་བའི་སྲོལ་བཏོད་པར་ཡིད་ཆེས་ཡོད་ལ། ཁོ་ཚོ་མི་རབས་ནས་མི་རབས་དང་ཚེ་རབས་ནས་ཚེ་རབས་ཀུན་ཏུ་སངས་རྒྱས་ཀྱི་བྱིན་རླབས་ཀྱིས་ནམ་ཡིན་ཡང་ཐར་བའི་ལམ་དུ་འདྲེན་པར་ཡིད་ཆེས་བརྟན་པོ་ཡོད་པ་ཡིན་ནོ།