【跟我学藏语】谁的回眸遮我半世琉离，仓央嘉措······
人生的信条就在于：不忘初心，方得始终。所以要有始有终，当然更多实用的甜头还在后面呢，望各位有想法的同胞们不要再犹豫，每日关注【贵德在线】平台，我们每天将会推送相对系统的藏语教学内容，让每一位想了解新知识新文化的同胞有所收获！！！
精心的备课有没有打动你呢？如果心动了就继续跟【贵德在线】小编一起来学习吧！！！
【བོད་ཀྱི་ཡིག་ཚང་གི་རྣམ་པའི་ཆ་ནས་དབྱེ་ཚུལ།】
ས་སྒང་རིལ་བོ་འདི་རུ་འགྲོ་བ་མི་བྱུང་ཞིང་འཕེལ་བ་ནས་བཟུང་རི་དྭགས་རྔོན་པ་དང་ཤིང་ཏོག་འཐུ་བ།སྒོ་ཕྱུགས་སྐྱོང་བ།ཞིང་རྨོ་འདེབས་སོགས་ཀྱི་འཚོ་བའི་ངལ་རྩོལ་ཁྲོད་ནས་འགྲོ་བ་མིའི་ཤེས་རྟོགས་ལ་འཕེལ་རྒྱས་ཕྱིན་ཏེ་རིམ་གྱིས་གདོད་མའི་ཆོས་ལུགས་དང་རིག་གནས་ཀྱི་གཞི་ཆགས།གདོད་མའི་སྤྱི་ཚོགས་སུ་བརྔོན་བྱའི་རི་དྭགས་དང་སྒོ་ཕྱུགས་ཀྱི་ཁ་གྲངས་ཚད་འཛིན་བྱེད་དུ་རྡོ་ངོས་དང་བྲག་ལྡེབས།ཤིང་ཤུན།རུས་ལྐོགས་སོགས་སུ་རྟགས་ཤད་འདེབས་པའི་མཚོན་རྟགས་དང་།ཐ་གུར་མདུད་པ་བོར་བ་དང་།མི་དང་མི་བར་འབྲེལ་འདྲིས་སུ་བརྡ་སྟོན་བྱེད་ཀྱི་རི་མོ་དང་སྐད་བརྡ་བྱུང་བ་དང་།རྗེས་སུ་བརྡ་སྟོན་བྱེད་ཀྱི་རི་མོ་དེ་དག་གཅིག་གྱུར་དང་ཚད་ལྡན་དུ་གྱུར་བའི་ཡི་གེའམ་རྣམ་དཔྱོད་ཅན་པོས་སྐད་བརྡ་སྟོན་བྱེད་དུ་ཆེད་དུ་བཟོས་པའི་ཡི་གེ་བྱུང་བས།སྤྱི་ཚོགས་འཚོ་བའི་ཉམས་མྱོང་ཤེས་བྱ་གང་མང་ཞིག་ཡི་གེའི་གཟུགས་སུ་བཀོད་ནས་འཛིན་པ་དང་ཀློག་པ་དང་།སྤེལ་བ་རྒྱ་ཆེར་བྱས་པས་ཡིག་ཚང་གི་རྨང་བཏིང་བ་དང་།ཡིག་ཚང་གིས་སྤྱི་ཚོགས་འཚོ་བའི་འཕེལ་རྒྱས་ལ་སྲི་ཞུ་བླ་མེད་བསྒྲུབས་དང་སྒྲུབ་མུས་ཡིན།ང་ཚོ་བོད་མི་རིགས་ལའང་ཐོན་སྐྱེད་འཚོ་བའི་གོ་རིམ་དུ་རྡོ་ངོས་དང་ཤིང་ལྐོགས་སོགས་སུ་རྟགས་ཤད་འདེབས་པ་དང་།བྱ་དང་རི་དྭགས།ཆོས་ལུགས་ཆོ་ག་སོགས་མཚོན་པའི་རི་མོ་བྱུང་བ་དང་།ཕྱིས་སུ་གཅིག་གྱུར་དང་ཚད་ལྡན་དུ་བཀོལ་ཆོག་པའི་བོད་ཡིག་བྱུང་བ་ནས་བཟུང་།ཆོས་ལུགས་དང་ལོ་རྒྱུས།ཆབ་སྲིད་སོགས་རིག་གནས་ཤེས་བྱ་ཀུན་ཡི་གེར་བརྟེན་ནས་རྒྱུན་འཛིན་དང་དར་སྤེལ་བྱེད་འགོ་བརྩམས།བཙན་པོའི་རྒྱལ་རབས་སྐབས་ནས་བཟུང་བོད་རང་ལ་ས་སྐྱེས་རྡོ་སྐྱེས་ཀྱི་རིག་གནས་ཀྱི་རྩ་བ་ཚུགས་ཤིང་།རྗེས་ནས་ལོ་པཎ་བཀའ་དྲིན་ཅན་མང་པོས་རྒྱ་གར་ནག་སོགས་ནས་བསྟན་བཅོས་གང་མང་བོད་ཡིག་ཏུ་བསྒྱུར་ཞིང་སྤེལ་བ་དང་།བོད་རང་གི་མཁས་པ་རྣམ་པའི་རྣམ་དཔྱོད་ཀྱི་རྩལ་ལས་ཐོན་པའི་གསུང་རབ་སོགས་རི་བོའི་གཏོས་དང་མཉམ་ཞིང་རྒྱ་མཚོའི་མཐའ་ལས་འགོངས་པའི་གླེགས་བམ་པོ་ཏི་བོད་ཀྱི་དགོན་པ་སོགས་སུ་བྱུང་ཞིང་།ཕྱི་ཡི་ལྕགས་རི་ཞིག་ཀྱང་ནང་གི་ཆོས་རྩིག་མི་ཞིག་པའི་ཚད་དུ་སླེབས་པ་དང་ཆབས་ཅིག དེ་དག་སྲོག་བྱས་ཏེ་སའི་རྩི་ཤིང་དང་གནམ་གྱི་སྐར་ཚོགས་ཀྱི་གྲངས་ལ་འགྲན་པའི་བོད་ཀྱི་ཡིག་ཚང་བྱུང་བ་སྟེ།གནའ་བོའི་རྡོ་རིང་དང་བྲག་བརྐོས་ཡི་གེ ཅོང་ཡིག དྲིལ་བུ་ཁ་བྱང་།ཁྲམ་བྱང་། གཏེར་ཡིག ཤོག་དྲིལ།རྡོ་བརྐོས་མ་ཎི་དང་བཀའ་བསྟན།ཐམ་ག་དང་བཀའ་ཡིག ཤིང་པར།བཀའ་བསྟན་གཙོས་པའི་གསུང་རབ་བསྟན་བཅོས་བྲིས་མ་དང་པར་མ།གློག་རྡུལ་པར་མ་སོགས་ཀྱིས་མཚོན་པའི་ཡིག་ཚང་གི་བང་མཛོད་ཧ་ཅང་རྒྱ་ཆེ་བ་བྱུང་ལ།བོད་ཀྱི་ཡིག་ཚང་ནི་འཛམ་གླིང་དུ་ཆེས་མང་བ་ཡིན་པ་དང་།རང་རྒྱལ་དུ་བོད་ཀྱི་ཡིག་ཚང་འདྲ་བ་མི་རིགས་གཞན་སུ་ལའང་ཡོད་པ་མ་ཡིན་པས།བོད་ཀྱི་ཡིག་ཚང་འདི་ཉིད་ལེགས་སྒྲིག་དང་འཐུས་ཚང་།དར་སྤེལ་བྱ་རྒྱུ་ནི་ཧ་ཅང་གལ་འགངས་ཆེ་བ་ཞིག་ཡིན་མོད།བོད་རང་ལ་རང་སྐྱ་འཕེར་བའི་ཡིག་ཚང་རིག་པའི་གཞུང་ལུགས་ཤིག་ཕར་ཞོག ཐ་ན་དེའི་སྐོར་གྱི་དཔྱད་རྩོམ་དང་ཆེད་དེབ་སོགས་ཀྱང་ཤིན་ཏུ་ཉུང་རྐྱེན།བདག་གིས་བོད་ཀྱི་ཡིག་ཚང་གི་རྣམ་པའི་ཆ་ནས་རིགས་ཇི་ལྟར་དབྱེ་བའི་ཐད་ནས་དཔྱད་པ་རགས་ཙམ་བྱ་རྒྱུ་ཡིན། བོད་ཀྱི་ཡིག་ཚང་གི་རྣམ་པའི་ཆ་ནས་དབྱེ་ན།བླུགས་བརྐོས་ཡིག་ཚང་དང་བྲིས་མའི་ཡིག་ཚང་དང་། པར་མའི་ཡིག་ཚང་དང་།སྒྲ་གཟུགས་ཡིག་ཚང་དང་།གློག་རྡུལ་ཡིག་ཚང་བཅས་རིགས་ལྔ་རུ་འདོད།
བཞི།སྒྲ་གཟུགས་ཡིག་ཚང་།ཚན་རིག་ལག་རྩལ་དར་བ་དང་བསྟུན་ནས་ཡིག་ཚང་མང་པོ་ཀློག་བདེ་ཞིང་བཀོལ་སླ་བ།ཉར་བདེ་བ།ཡུན་རིང་ཆེད་ཡིག་ཚང་མང་པོ་སྒྲའམ་གཟུགས་བརྙན་དུ་ཕབ་པས་ཡིག་ཚང་གི་རྣམ་པར་འགྱུར་བ་ཆེན་པོ་བྱུང་ཡོད་པ་སྟེ།སྔོན་གྱི་ལོ་རྒྱུས་དང་ས་གནས་ངོ་སྤྲོད།བྱ་དང་རི་དྭགས་མཚམས་སྦྱོར།མཁས་པའི་འཆད་ཁྲིད་སོགས་སྒྲ་གཟུགས་སུ་ཕབ་ནས་འཛིན་པ་དང་སྤེལ་བ་ཡིན།
ལྔ།གློག་རྡུལ་ཡིག་ཚང་།བརྡ་འཕྲིན་དུས་རབས་འདིར་ཡིག་ཚང་མང་པོ་ཉར་བདེ་ཞིང་ཡུན་རིང་བ་དང་།ཡི་གེའི་ཤོངས་ཚད་ཆེ་རུ་གཏོང་བ།གོང་སླ་ཞིང་རྙེད་སླ་བ།འཚོལ་བདེ་བ།བསྐྱར་པར་བྱེད་ཆོག་པ།བརྒྱུད་སྤེལ་བྱེད་བདེ་བ།སྣ་མང་མཉམ་གཅིག་ཏུ་གསོག་ཆོག་པ་བཅས་ལ་དམིགས་ནས་ཡིག་ཚང་མང་པོ་རྩིས་འཁོར་ཏུ་བཅུག་ཅིང་རྩིས་འཁོར་བརྒྱུད་ནས་ལྟ་ཀློག་དང་བསྐྱར་པར།བརྒྱུད་བསྐུར་བྱེད་ཆོག་པ་དང་།ད་སྐབས་གློག་རྡུལ་རྣམ་པའི་དཔེ་མཛོད་ཁང་སོགས་བྱུང་བ་སྟེ།གློག་རྡུལ་ཡིག་ཚང་ཧ་ཅང་རྒྱ་ཆེ་ཞིང་དར་ཆེ་བ་ཡིན།གོང་ལྟར།སྤྱི་ཚོགས་ཀྱི་འགྲོས་དང་བསྟུན་ནས་ཡིག་ཚང་གི་རྣམ་པ་ཡང་བླུགས་བརྐོས་ནས་བྲིས་མ་དང་།པར་མ།དེ་ནས་གློག་རྡུལ་སོགས་སུ་འཕེལ་བ་ཡིན།
往期回顾
【跟我学藏语】这些亲戚关系你能分的清不？？？
【跟我学藏语】人人向往的圣地，你了解多少······
【跟我学藏语】智慧与爱心该不该并驾齐驱呢······
【跟我学藏语】你来说说的贵德是花果蔬菜的天堂不？
【跟我学藏语】学会这几句，走遍青海不愁吃！！！
【跟我学藏语】贵德的朋友们，这种风格你们喜欢吗？
贵德在线，咱们贵德人的平台