ཐོག་མར་འདི་ནི་ངས་གློག་བརྙན་ཕབ་སྐྲུན་བྱེད་ས་ཡིན་པ་དང་།གནས་འདི་ནི་ངའི་ཕ་ཡུལ་ཡང་ཡིན།གནས་འདིར་ཡུན་རིང་བའི་ལོ་རྒྱུས་རིག་གནས་དང་ཐུན་མིན་གྱི་རང་བྱུང་ཐོན་ཁུངས་འཛོམས་ཡོད་པ་དང་དེའི་ཁོར་ཡུག་གིས་རྣམ་པར་བཀྲ་བའི་ཕུལ་བྱུང་རིག་གནས་སྦྲུམ་ཡོད།འདི་འདྲ་སྣ་མང་ཅན་གྱི་རིག་གནས་ཕོག་ཐུག་དང་མི་རིགས་མང་པོ་འདུས་པའི་ས་གནས་སུ་ངའི་གསར་རྩོམ་ལ་གཏིང་ཟབ་པའི་བག་ཆགས་ཐེབས་ཡོད།

    གློག་བརྙན་འདི་ནི་ཅི་ཞིག་ལ་ཚོན་མེད་ཅན་རེད་ཟེར་ན།འདི་ནི་ཁེངས་སྐྱུང་དང་བབ་ཆགས་ཀྱི་གཏམ་རྒྱུད།ཚོན་མེད་ཉམས་འགྱུར་གྱི་པར་ལེན་གྱི་རྣམ་པ་ཞིག་ཡིན་པ་དང་།མཐོང་ཚོར་གྱི་ཉམས་འགྱུར་ཞིག་ཡིན་པའི་གཏམ་རྒྱུད་ཁྲོད་ཀྱི་མི་སྣའི་འཚོ་བ་དེ་བབ་ཆགས་དང་སྟབས་བདེ་ཡིན་པ་དང་འདྲ་། གློག་བརྙན་ཁྲོད་ཀྱི་མི་སྣ་གཙོ་བོ་ཐར་ལོའི་འཇིག་རྟེན་ནི་ནག་པོ་སྟེ་དཀར་པོ་ཡིན་ལ། ཚོན་མེད་པར་ལེན་བྱེད་པ་དེ་ནི་མི་སྣའི་གཟུགས་བརྙན་དང་མཐུན་པར་ཆེད་ཡིན་པས། མི་སྣ་གཙོ་བོ་དེའི་སྟབས་བདེའི་སེམས་པའི་ཞིང་ཁམས་མཚོན་ཡོད།《ཐར་ལོ》ནི་སྔོན་ཆད་ཀྱི་བརྩམས་ཆོས་དང་མི་འདྲ་ལ།ཚོན་མེད་ཀྱི་པར་ལེན་བྱེད་པ་དེའི་ཕན་འབྲས་ཀྱང་མི་སྣའི་གཟུགས་བརྙན་དེ་བས་མངོན་གསལ་དོད་ཡོད།

     བརྩམས་ཆོས་གང་དང་གང་ཡིན་རུང་། མི་རེ་རེ་ལ་ལྟ་ཚུལ་རེ་རེ་ཞིག་ཡོད་པ་དང་མཐར་ཐོབ་པའི་སྡོམ་ཚིག་ཀྱང་མི་འདྲའོ། 《ཐར་ལོ》ཞེས་པའི་གློག་བརྙན་དེའི་ནང་དུ་སྤྲོ་དགོས་ས་དང་སྡུག་དགོས་ས།ད་དུང་བསམ་གཞིགས་བྱེད་དགོས་ས་ཡོད་པས།གློག་བརྙན་ལ་བལྟས་རྗེས།མི་རེ་རེ་ལ་བསམ་ཚུལ་མི་འདྲ་ཞིག་ཡོད།ལ་ལས་ངོ་མ་ཡིད་སྐྱོ་བ་ཞིག་རེད་འདོད་པ་དང་ལ་ལས་སྤྲོ་བའང་མ་རེད་སྐྱོ་དགོས་པའང་མ་རེད་ཟེར།